Khushi Ki Baat Hai Ye Dukh Ka Manzar Dekh Sakti Hoon
Teri Awaaz Ka Chehra Main Chhuu Kar Dekh Sakti Hoon
Abhi Tere Laboon Pe Zikr-E-Fasl-E-Gul Nahi Aaya
Magar Ek Phool Khilte Apne Andar Dekh Sakti Hoon
Mujhe Teri Muhabbat Ne Ajab Ek Roshni Bakhshi
Main Iss Duniya Ko Ab Pehle Se Behtar Dekh Sakti Hoon
Kinaara Dhoondhne Ki Chaah Tak Mujh Mein Nahin Hogi
Main Apne Gird Ek Aisa Samandar Dekh Sakti Hoon
Khayal Aata Hai Aadhi Raat Ko Jab Bhi Tera Dil Mein
Utarta Ek Sahefa Apne Oopar Dekh Sakti Hoon
Visaal O Hijar Ab Yaksaan Hain , Woh Manzil Hai Ulfat Mein
Main Aankhen Band Kar Ke Tujhko Aksar Dekh Sakti Hoon
Abhi Tere Siwa Duniya Bhi Hai Maujood Iss Dil Mein
Main Khud Ko Kis Tarah Tere Barabar Dekh Sakti Hoon
Poet : Parveen Shakir
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.