Khusboo Mein Basa Howa Ye Lehja
Dastak Mere Dil Pe De Raha Hai
Aur Dhoondh Raha Hai Mere Andar
Ek Shaakh-E-Bahaar-E-Rang Jis Par
Iqraar Ke Phool Khil Rahe Hoon!
Main Kaise Karon Ye Dar Kushaada
Is Par To Woh Qafal Parr Chuka Hai
Jis Ke Liye Saare Isam Bekaar
Ye Mere Sitaare Ki Tarah Hai
Tareek, Udaas , Ghair Abaad!
Ae Mere Khuda , Mere Badan Mein
Himmat Nahin Ab Shikastgi Ki
Sheeshay Ki Tarah Hai Iss Ka Dil Bhi
Ek Thais Se Tootne Ka Dar Hai
Maalik Hai Tu Aab-O-Baad-O-Gul Ka
Qaadir Hai Hamari Qismaton Par
Itni Si Dua Hai Meri Tujh Se
Yaa Uss Ke Iraade Ko Badal De!
Yaa Mere Sitaare Ko Badal De!
Poet : Parveen Shakir
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.