Koi Na Jaan Saka Woh Kahan Se Aaya Tha
Koi Na Jaan Saka Woh Kahan Se Aaya Tha
Aur Uss Ne Dhoop Se Baadal Ko Kyun Milaaya Tha
Ye Baat Shayad Logon Ko Pasand Aayi Nahin
Makaan Chota Tha Lekin Bohat Sajaaya Tha
Woh Ab Wahan Hai Jahan Raaste Nahin Jaate
Main Jis Ke Saath Yahan Pichle Saal Aaya Tha
Suna Hai Uss Pe Chehekne Lagay Parinde Bhi
Woh Aik Pauda Jo Hum Ne Kabhi Lagaaya Tha
Charaagh Doob Gaye Kapkapaaye Honton Par
Kisi Ka Haath Hamare Labon Tak Aaya Tha
Badan Ko Chhorr Ke Jaana Hai Aasmaan Ki Taraf
Samandaron Ne Humein Ye Sabak Parrhaaya Tha
Tamaam Umar Mera Dam Issi Dhuyen Mein Ghhutta
Woh Ek Charaagh Tha Maine Ussey Bujhaaya Tha
<<<<Previous Ghazal This Book Next Ghazal>>>>
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.