Hamari Shohraton Ki Maut Benaam O Nishaan Hogi
Hamari Shohraton Ki Maut Benaam O Nishaan Hogi
Na Koi Tazkira Hoga Na Koi Daastaan Hogi
Agar Main Lootna Chaahon To Kya Main Loot Sakta Hoon
Woh Duniya Saath Jo
Mere Chali Thi Ab Kahan Hogi
Parinde Apni Minqaaron Mein Sab Taare Chhupa Lenge
Jawani Chaar Din Ki Chaandni Hai Phir Kahan Hogi
Darakhton Ki Ye Chhaalen Bhi Utar Jaayengi Patte Kya
Ye Duniya Dheere Dheere Aik Din Phir Se Jawaan Hogi
Hawaayen Royengi Sar Phhorr Lengi In Pahharron Se
Kabhi Jab Baadalon Mein Chaand Ki Doli Rawan Hogi
Kisay Maloom Tha Hum Log Ek Bistar Pe Soyenge
Hifazat Ke Liye Talwaar Apne Darmiyaan Hogi
Paseena Band Kamre Ki Umas Ka Jazb Hai Uss Mein
Hamare Tooliye Mein Dhoop Ki Khushboo Kahan Hogi
Kisi Gumnaam Pathhar Par Bohat Se Naam Likh Doge
To Qurbani Hamari Is Tarah Se Jaawidaan Hogi
Zameenen To Meri Ajdaad Ne Saari Ganwaa Di Hain
Magar Ye Aik Mutthhi Khaak Khud Apna Nishaan Hogi
Samandar Borrhhe Ho Jaayenge Aur Ek Faahisha Machhli
Hamare Saahilon Aur Jangalon Ki Hukmaran Hogi
Poet : Dr Bashir Badr
This Book Next Ghazal>>>>
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.