Hamara Dard Hamari Dukhi Nawa Se Larre
Hamara Dard Hamari Dukhi Nawa Se Larre
Sulagti Aag Kabhi Sar Phiri Hawa Se Larre
Main Jaanta Hoon Ke Anjaam Kaar Kya Hoga
Akela Patta Agar Raat Bhar Hawa Se Larre
Mere Aziz Mujhe Qatal Kar Ke Phaink Aate
Bhala Howa Ke Mere Lab Meri Sadaa Se Larre
Sunehri Machhliyaan Baadal Mein Koond Jaati Hain
Badan Wohi Hai Jo Bandish Mein Bhi Qabaa Se Larre
Siyaah Barf Mein Thhatthhri Hai Kaainaat Meri
Koi Sitaara Utthe Toot Kar Khalaa Se Larre
Tamaam Raat Ki Khoonrez Jang Ka Haasil
Bohat Andhera Tha Apne Hi Dast-E-Paa Se Larre
Tumhaare Shehar Mein Kya Ho Gaya Tha Jis Ke Liye
*Bashir* Rotay Rahe Raat Bhar Khuda Se Larre
Poet : Dr Bashir Badr
<<<<Previous
Ghazal This Book
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.