Rukhsat Ki Kasak Rahi Hai Ab Tak
Ek Shaam Sulag Rahi Hai Ab Tak
Shab Kis Ne Yahan Qadam Rakha Tha
Dehleez Chamak Rahi Hai Ab Tak
Maathe Pe Woh Labb Thay Saaniya Bhar
Aur Rooh Mehek Rahi Hai Ab Tak
Dekha Tha Ye Kis Nazar Se
Uss Ne
Tasveer Damak Rahi Hai Ab Tak
Jo Baat Kahi Nahin Thi Uss Ne
Lehje Mein Khanak Rahi Hai Ab Tak
Kab Ka Howa Khaali Saaghar-E-Shaam
Mai Hai Ke Chalak Rahi Hai Ab Tak
Bin Aqas Ye Kaisi Jagmagahat
Sheeshe Se Jhalak Rahi Hai Ab Tak
Woh Chasham Ke Baagh Aashna Hai
Jangal Mein Bhatak Rahi Hai Ab Tak
Dono Ke Labon Tak Aate Aate
Ek Baat Atak Rahi Hai Ab Tak
Baarish Ki Hai Chaah Shaakh Ko Aur
Baadal Se Jhijhak Rahi Hai Ab Tak
Shanoon Pe Nahin Woh Haath Lekin
Chaadar Si Sirak Rahi Hai Ab Tak
Poet : Parveen Shakir
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.