Inn Dinon Meri Apne Aap Se Bol Chaal Band Hai Lyrics By Parveen Shakir

                                      Nasrri Nazm

Inn Dinon

Meri Apne Aap Se Bol Chaal Band Hai!

Mere Andar Ek Baanjh Ghussa

Phunkaarta Rehta Hai

Na Mujhe Dassta Hai

Na Meray Gird Apni Giraft Dheeli Karta Hai

Naino Ki Sarzameen

Aik Baar Phir Surkh Hai

Faraat Ke Paani Par

Ibn-E-Ziyaad Ke Tarafdaron Ka Aik Baar Phir Qabza Hai

Zameen Aur Aasman

Aik Baar Phir Shashmaahe Ka Lahoo

Wasool Karne Se Inkaari Hain

Aur Mere Chehre Par Ab Mazeed Lahoo Ki Jagah Nahin!

Faateh Fauj Roshni Aur Aag Ke Farq Ko Nahin Samajhti!

Sehra Ki Raat Kaatne Ke Liye Unhein Alaa'o Ki Zaroorat Thi

So Unho Ne Mere Kutabkhaane Jala Diye!

Lekin Main Ehtijaaj Bhi Nahin Kar Sakti

Mere Baalon Mein Surkh Skaarf Baandha Hai

Aur Mere Gilaas Mein Coca Cola Hans Raha Hai

Mere Saamne Dollar Ki Haddi Parri Howi Hai!

Poet : Parveen Shakir