Salaam
Garche Likhi Howi Thi Shahadat Imaam Ki
Lekin Mere Hussain (R.A) Ne Hujjat Tamaam Ki
Zainab Ki Be Rawaee Ne Sar Mera Dhak Diya
Aghaaz-E-Subh-E-Nau Howi Woh Shaam’ Shaam Ki
Ek Khuwaab-E-Khaas Chasham-E-Muhammad Mein Tha Chhupaa
Tabeer Noor-E-Ain Muhammad Ne Aam Ki
Bachon Ki Pyaas Maalik-E-Kausar Pe Shaak Thi
Saaqi Ko Warna Mai Ki Zaroorat Na Jaam Ki
Hur Sa Naseeb Badshahoon Ko Nahin Naseeb
Aaqaa Se Mil Rahi Thi Gawahi Ghulam Ki
Darya Pe Tishna Labb Hain Pa Sehra Mein Shaadkaam
Duniya Ajab Hai Unn Ke Safar Aur Qayaam Ki
De Kar Raza Jo Chehra-E-Shabbir Zard Hai
Thi ELtija-E-Jang Ye Kis Laala Faam Ki
Poet : Parveen Shakir
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.