Aankhon Ne Kaise Khuwaab Taraashey Hain Inn Dinon
Dil Par Ajeeb Rang Utartey
Hain Inn Dinon
Rakh Apne Paas Apne Mah-O-Meher Ae Falak
Hum Khud Kisi Ki Aankh Ke Taarey Hain In Dinon
Dast-E-Sahar Ne Maang Nikaali Hai Baarhaa
Aur Shab Ne Aa Ke Baal Sanwaarey Hain Inn Dinon
Iss Ishq Ne Humein Hi Nahin Mua’tadal Kiya
Usske Bhi Khush Mizaaji Ke Charchey Hain Inn Dinon
Ek Khushgawar Neend Pe Haq Ban Gaya Mera
Woh Ratjagey Uss Aankh Ne Kaatey Hain Inn Dinon
Woh Qehet-E-Husn Hai Ke Sabhi Khush Jamaal Log
Lagta Hai Kooh-E-Kaaf Pe Rehte Hain Inn Dinon
Poet : Parveen Shakir
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.