Jab Saaz Ki Lay Badal Gayi Thi
Wo Raqs Ki Kaunsi Ghari Thi
Ab Yaad Nahin Ke Zindagi Mein
Main Aakhri Baar Kab Hansi Thi
Jab Kuch Bhi Na Tha Yahan Pe Maqabal
Duniya Kis Chez Se Bani Thi
Mutthhi Mein To Rang Thay Hazaaron
Bas Haath Se Rait Beh Rahi Thi
Hai Aqs , To Aaina Kahan Hai
Tamseel Ye Kis Jahaan Ki Thi
Hum Kis Ki Zubaan Bolte Hain
Gar Zehen Mein Baat Dosri Thi
Tanha Hai Agar Azal Se Insaan
Ye Bazm-E-Kalaam Kyun Saji Thi
Tha Aag Hi Gar Mera Muqaddar
Kyun Khaak Mein Phir Shifa Rakhi Thi
Kyun Mor Badal Gayi Kahaani
Pehle Se Agar Likhi Howi Thi
Poet : Parveen Shakir
Poet : Parveen Shakir
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.