Chalne Ka Hosla Nahin , Rukna Mahaal Kar Diya
Ishq Ke Is Safar Ne To Mujhe Nidhaal Kar Diya
Ae Meri Gul Zameen Tujhe Chaah Thi Ek Kitaab Ki
Ehl-E-Kitaab Ne Magar Kya Tera Haal Kar Diya
Milte Howe Dilon Ke Beech Aur Tha Faisla Koi
Uss Ne Magar Bicharte Waqt Aur Sawaal Kar Diya
Ab Ke Hawa Ke Saath Hai Daman-E-Yaar Muntazir
Banoo-E-Shab Ke Haath Mein Rakhna Sanmbhal Kar Diya
Mumkina Faislaon Mein Aik, Hijar Ka Faisla Bhi Tha
Hum Ne To Aik Baat Ki , Ussne Kamaal Kar Diya
Mere Laboon Pe Muhar Thi , Par Sheesharu Ne To
Shehar Ke Shehar Ko Mera Waqif-E-Haal Kar Diya
Chehra O Naam Aik Saath Aaj Na Yaad Aa Sake
Waqt Ne Kis Shay Ko Khuwaab O Khayal Kar Diya
Muddaton Baad Uss Ne Aaj Mujhse Koi Gila Kiya
Mansab-E-Dilbari Ye Kiya Mujhko Bahaal Kar Diya
Poet : Parveen Shakir
Poet : Parveen Shakir
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.