Zubaan Pe Tazkira-E-Baam-O-Dar Nahin Laata
Watan Se Koi Khabar , Naamabar Nahin Laata
Gulaab Ko Na Yaqeen Hoga Jab Talak Sayyaad
Hawa Ke Tasht Mein Ek Musht-E-Par Nahin Laata
Ye Raah-E-Ishq Hai Maqtal Se Ho Ke Jaati Hai
So Is Safar Mein Koi Dil Mein Dar Nahin Laata
Tamaam Booj To Raste Mein Jama Hota Hai
Warood Se Koi Rakht-E-Safar Nahin Laata
Main Jis Ke Dhiyaan Mein Pehroon Udaas Rehti Hoon
Khayal Dil Mein Mera Lamha Bhar Nahin Laata
Swaad-E-Shaam Aseeron Mein Kaun Shamil hai
Bila Sabab Koi Nezay Pe Sar Nahin Laata
Poet : Parveen Shakir
Poet : Parveen Shakir
Post a Comment
Let Me Know If You Want Any Specific Ghazal Lyrics Or Any Word Meaning I Will Try My Best To Reply Fast.